ҲУКУМАТИ ҶУМҲУРИИ ТОҶИКИСТОН

ҚАРОР

ДАР БОРАИ БАРНОМАИ ТАЪМИНИ БЕХАТАРӢ АЗ СЎХТОР БАРОИ СОЛҲОИ 2013-2017

 

Бо мақсади таъмини риояи қоидаҳои зиддисўхтор ва ҳифзи ҳаёт, саломатӣ ва молу мулки шаҳрвандон, моликияти корхонаҳо, муассисаҳо ва ташкилотҳо, иншооти таъиноти иқтисодӣ, иҷтимоӣ, фарҳангӣ ва дигар иншоот аз сўхтор, мутобиқи моддаи 7 Қонуни Ҷумҳурии Тоҷикистон "Дар бораи дурнамоҳои давлатӣ, консепсияҳо, стратегияҳо ва барномаҳои инкишофи иҷтимоию иқтисодии Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

  1. Барномаи таъмини бехатарӣ аз сўхтор барои солҳои 2013-2017 тасдиқ карда шавад (замима мегардад).
  2. Вазифаи иҷрокунандаи давлатии Барнома ба зиммаи Вазорати корҳои дохилии Ҷумҳурии Тоҷикистон вогузор карда шавад.
  3. Вазорату идораҳо ва мақомоти иҷроияи маҳаллии ҳокимияти давлатӣ вазифадор карда шаванд:

- маблағгузориро барои амалигардонии Барномаи мазкур дар доираи маблағҳое, ки ҳамасола дар Буҷети давлатӣ пешбинӣ мегардад, амалӣ намоянд;

- барномаҳои мақсадноки дохилӣ ва минтақавиро оид ба таъмини бехатарӣ аз сўхтор қабул ва татбиқ намоянд".

  1. Вазорати корҳои дохилии Ҷумҳурии Тоҷикистон вазифадор карда шавад:

- ҳуҷҷатҳои лоиҳавию сметавии сохтмони депоҳои оташнишониро омода намуда, ташхиси давлатӣ гузаронад;

- барои гузаронидани корҳои илмию таҳқиқотӣ оид ба пешгирӣ ва хомўш намудани сўхторҳо дар заминаи Маркази таълимии Сарраёсати хадамоти давлатии оташнишонӣ ҷиҳати таъсис додани Маркази илмию таҳқиқотии Хадамоти давлатии оташнишонии Ҷумҳурии Тоҷикистон чораҳои зарурӣ андешад;

- дар мувофиқа бо вазорату идораҳои дахлдори давлатҳои хориҷӣ масъалаи тайёр намудани мутахассисонро дар муассисаҳои таълимӣ дар доираи квотаҳои барои Вазорат муқарраргардида ҳал намояд.

  1. Назорати иҷрои қарори мазкур ба зиммаи Вазорати корҳои дохилии Ҷумҳурии Тоҷикистон вогузор карда шавад.
  2. Вазорати корҳои дохилии Ҷумҳурии Тоҷикистон дар бораи рафти иҷрои Нақшаи чорабиниҳо оид ба иҷрои Барномаи таъмини бехатарӣ аз сўхтор барои солҳои 2013-2017 дар анҷоми ҳар сол ба Ҳукумати Ҷумҳурии Тоҷикистон маълумот пешниҳод намояд.

 

 

Раиси

Ҳукумати Ҷумҳурии Тоҷикистон                                                                        Эмомалӣ Раҳмон

 

аз 2 июли соли 2013, № 287

ш. Душанбе